Albisteak

2014/05/13

Primerako bertso saioa eskaini ziguten Amets Arzallus, Maialen Lujanbio, Sustrai Colina eta Jon Maia bertsolariek, Unai Elizasu gai-jartzaileak gidatuta, maiatzaren 10ean Aquariumean. Ugarte anaiek ere txalaparta emanaldi bikaina eskaini zuten. 

 
2014/05/08

Sergio Saldañak nahasmendu bipolarrari eta gaixotasun horrekin bizitzeari buruzko solasaldi batean parte hartu zuen pasa den apirilaren 30ean Tolosan. Iruindar hau Tengo trastorno bipolar: desmitificaciones y anécdotas liburuaren egilea da, 20 urte daramatza tratamenduan, familia bat sortu du eta bizitza guztiz normalizatua dauka. Nekazaritzako Ingeniaritza Teknikoan lizentziatua den eta egun liburuzain bezala lan egiten duen gazte honek bertaratuei erakutsi zien, behin patologia kontrolatuta, bizitzaz gozatzea posible dela. 

2014/04/30

“Agifesen nagoenetik maitatuagoa eta onartuagoa sentitzen naiz”. Horrela mintzatu zen elkarteko aisialdi taldeko kide Ixiar Iraola, apirilaren 4an Euskal Herriko Unibertsitatean egin zen jardunaldi batean. Bere bi kidek, Martín Combeauk eta Iñaki Gorostidik, ere hitza hartu zuten buru osasunari eta esku-hartze soziohezitzaileari buruzko topaketan, unibertsitateko dozenaka ikasleren aurrean.

2014/04/23

  • EKIMENA: Nola bideratu egoera zailak? Tailer praktikoa buru gaixotasuna duten pertsonen senide eta zaintzaileentzat
  • DATAK: Apirilak 19, maiatzak 13 eta 27, eta ekainak 10.
  • LEKUA: Donostia. Kutxazabal zentroa (Serapio Mújica 10 kalea). Bidebieta auzoa.
  • ORDUTEGIA: 18:00etatik 20:00etara.
  • HIZLARIAK: Nekane Azuabarrena, psikologoa, eta Verónica Pazos, gizarte-langilea (Agifes).
  • INFORMAZIOA ETA IZEN-EMATEAK: 943 47 43 37 zenbakira dei eginez.
  • HIZKUNTZA: gaztelania.
  • DOAN.
     
     
2014/04/21

Punta-puntako bertsolaritza jaialdia izango dugu maiatzaren 10ean Donostiako Aquarium museoan22:00etan. Buru Osasunaren inguruan arituko dira kantuan Amets Arzallus, Maialen Lujanbio, Sustrai Colina eta Jon Maia bertsolariak, eta Felipe Ugarte txalapartariak ere parte hartuko du Agifesek antolatutako ekitaldian. Unai Elizasuk egingo ditu gai-jartzaile lanak eta Iker Laparra izango dugu aurkezle.

2014/04/21

  • Hitzaldia-Liburu aurkezpena: "Tengo trastorno bipolar: desmitificaciones y anécdotas"
  • Data: apirilak 30.
  • Lugar: TOLOSA. Kultur etxea (Triangulo plaza, 1)
  • Ordua: 18:30
  • Hizlaria: Sergio Saldaña Soto, 'Tengo Trastorno Bipolar. Desmitificaciones y anécdotas' liburuaren egilea.
  • Hizkuntza: gaztelania
  • Sarrera librea.
2014/04/07

Aurora Elosegui epaileak hitzaldia eskaini zuen, martxoaren 27an Irunen, buru gaixotasun kasuetan egiten diren tratamendu judizializatuen berri emateko. Agifesek antolatutako hitzaldian, medikazioa hartu araztea eta derrigorrezko ospitaleratzeak izan zituen hizpide batik bat. 

2014/04/02

Agifeseko aisialdi taldeak Why Not Fundazioak antolatutako lehen saskibaloi txapelketa irabazi zuen joan den martxoaren 28an. Neska-mutilek Sito Alonso Gipuzkoa Basket Klubaren entrenatzailearen eskutik jaso zuten saria. Alonso jardunaldiko gonbidatu berezia izan zen.

2014/03/31
Buru Osasunari eta esku-hartze soziohezitzaileari buruzko hitzaldia egingo da Euskal Herriko Unibertsitateko Ignacio Maria Barriola eraikinean (Aularioa), apirilaren 4an 8:30etik 13:00etara. Zaragozako Carmen Ferrer eta Antonio Tarin doktoreek hartuko dute hitza lehenik eta behin, eta ondoren, Agifeseko harrera eta orientazio programako arduradun Verónica Pazosek elkartearen esperientzia azalduko du. Iñaki Gorostidi, Martin Combeau eta Ixiar Iraola Agifeseko aisialdi programako erabiltzaileek ere parte hartuko dute saioan.
2014/03/26

Antsietate eta depresioari buruzko hitzaldi-mahai inguru bat hartuko du Gipuzkoako Erizaintza Kolegio Ofizialaren egoitzak apirilaren 3an, 18:00etan, eta bertan parte hartuko du Yolanda Iglesias Agifeseko psikologoak. Berekin batera izango dira Imanol Querejeta doktorea, Donostia Unibertsitate Ospitaleko Psikiatria zerbitzuko arduraduna, eta Julia Sotillo, Donostia Unibertsitate Ospitaleko Psikiatria arloko erizaina. Bi patologia horien ezaugarriak azalduko dituzte, mende honetan ezagutzen diren bi epidemia garrantzitsuenetarikoak baitira. Halaber, nahasmendu horiek kontrolatzen ikasteko eta gure bizi-kalitatea hobetzeko jarraibideak emango dituzte. 

Orriak