Buru gaixotasuna duten pertsonen gizarteratzeari buruzko zineforum saioa ‘Elling’ filmaren inguruan

ZINEFORUMA: ‘ELLING’
Data: martxoak 22, ostirala.
Lekua: Kutxa Aretoa, Arrasate kalea, 12. DONOSTIA
Ordua: 19:00
Hizkuntza: gaztelania
Sarrera doan eserlekuak bete arte.

Agifesek Elling filmaren inguruko zineforum saioa zuzenduko du ostiral honetan, martxoak 22, Donostiako Kutxa Aretoan, 19:00etatik aurrera. Buru osasuneko klinika batean egonaldi luzea egin ondoren gizarteratu beharrari aurre egiten dioten bi gizonen bizipenak kontatzen ditu pelikulak. Saioa Agifeseko sentsibilizazio batzordeak zuzenduko du eta sarrera doakoa izango da.

Petter Naess zuzendari norvegiarraren filmak ‘Gazteriaren Saria’ jaso zuen Donostiako Zinemaldian 2001. urtean, eta ‘Ingelesa ez den hizkuntza batean egindako film onena’ren saria jasotzeko nominatu zuten Oscarretan.


Sinopsia
Elling “mundu errealera” bueltatzeko prest dago bi urtez buru osasuneko ospitale batean egon ondoren. Zentroa utzi eta bizitza normalizatua eramateko proposamena egiten diete protagonistari eta bere gelakide Kjell Bjarne erraldoi on-puskari Norvegiako gizarte zerbitzuek. Oslon etxebizitza bat esleitu diete biei eta euren kabuz bizi beharko dute. Baina, jatetxe batean sartzea Antartida zeharkatzea bezain zaila egiten zaion pertsona batentzat, bizimodu berria oztopoz beterik dago.

Trailerra ikusi

Gehitu iruzkin berria

Plain text

  • No HTML tags allowed.
  • Web gune eta posta helbideak lotura bezala agertuko dira automatikoki.
  • Lineak eta paragrafoak automatikoki egiten dira.
CAPTCHA
This question is for testing whether or not you are a human visitor and to prevent automated spam submissions.
Image CAPTCHA
Enter the characters shown in the image.