Albisteak

2011/09/30

Paco Pérezek irabazi du Agifesek antolatutako Buruko Osasunaren Munduko Eguneko kartel lehiaketa. Erabiltzaile honek sormenerako dohain bikaina erakutsi du aurkeztutako lanean. Pacok eskutik helduta oinez doazen bi gizon marraztu ditu jardunaldirako aukeratutako leloa, ‘Aurrera!’, irudikatzeko. Lehenengoak bigarrenari aurrera egiten laguntzen dio, sufrimendutik aldentzen, alegia. Esanahiez beteriko irudi honekin osatu dugu urriaren 15eko kartel ofiziala.
2011/09/26
Agifesek ‘Solo’ dokumentalaren inguruko azken bideoforuma eskainiko du Orioko kultur etxean datorren asteazkenean, irailak 28, 18:30ean, ‘Askatu zeure burua. Buruko gaixotasunen inguruko mitoak apurtu’ sentsibilizazio kanpainaren barne antolatu duen proiekzio zikloaren barne. Eskizofreniaren ikuspegi itxaropentsua eskaintzen du Vicente Rubio zuzendari eta protagonista duen film horrek, eta Gipuzkoako zenbait udalerritara eraman du Agifesek pasa den ekainetik. Proiekzioaren ondoren, Agifeseko arduradunek zuzendutako solasaldia egingo da. Sarrera librea da.
2011/09/23
Jesus Mari Zamora Real Sociedad taldeko futbolari ohi ospetsuak Agifeseko kide Luis Urbietarekin solas egiten du bideoan; Luisen bikoteak nahasmendu ziklotimikoa dauka eta elkarren arteko harreman hobea sortzen ikasi du profesionalei eta taldeko terapiari esker. Agifes, bere 25. urteurrena dela eta, garatzen ari den ‘Askatu zeure burua. Buruko gaixotasunen inguruko mitoak apurtu’ sentsibilizazio kanpainaren zortzigarren ikus-entzunezkoa da hau.
2011/09/18
Agifesek ‘Solo’ dokumentalaren inguruko azkenaurreko bideoforuma eskainiko du Azkoitiko Elkargune kiroldegian datorren asteazkenean, irailak 21, 18:30ean, ‘Askatu zeure burua. Buruko gaixotasunen inguruko mitoak apurtu’ sentsibilizazio kanpainaren barne antolatu duen proiekzio zikloaren barne. Elkarteak Gipuzkoako udalerri ugaritan egin ditu proiekzio eta solasaldi saioak ekainetik, eta azkenengoa hurrengo irailaren 28an izango da, Orion. Agifeseko arduradunek zuzenduko dituzte saioak eta sarrera doanekoa da.
2011/09/11

Agifesek ‘Solo’ dokumentalaren inguruko bederatzigarren bideoforuma eskainiko du Tolosako kultur etxean datorren asteazkenean, irailak 14, 18:30ean, ‘Askatu zeure burua. Buruko gaixotasunen inguruko mitoak apurtu’ sentsibilizazio kanpainaren barne antolatu duen proiekzio zikloaren barne. Eskizofreniaren ikuspegi itxaropentsua eskaintzen du Vicente Rubio zuzendari eta protagonista duen film horrek, eta Gipuzkoa osoko udalerri ugaritan ikusi ahal izan da ekainetik. Zikloa hil honetan amaituko da, Azkoitiko eta Orioko saioen ostean, irailaren 21 eta 28an hurrenez hurren. Agifeseko arduradunek zuzenduko dituzte saioak eta sarrera doanekoa da.
2011/08/24
Kepa Junkera musikari ezagunak Ainhitze Larrañagarekin solas egiten du bideoan. Beñat anaiaren eskizofreniari aurre egin behar izan dio urte luzez gazte zumaiar honek, senide gertukoenekin batera. Agifes, bere 25. urteurrena dela eta, garatzen ari den ‘Askatu zeure burua. Buruko gaixotasunen inguruko mitoak apurtu’ sentsibilizazio kanpainaren zazpigarren ikus-entzunezkoa da hau.
2011/08/17

Donostiako 72. Musika Hamabostaldiko Antzinako Musika zikloa entzule ugari erakartzen ari da, eta kontzertu horietako sarrerekin lortzen den dirua Agifesesi emango dio antolakuntzak. Lehenengo bi saioak -Santa Teresa komentuan eta San Telmo museoan- jendez gainezka zeuden, eta bertaratu asko Agifesekin interesatu dira. Informazio stand batekin parte hartzen ari da elkartea musika emanaldi horietan.
2011/08/12

Grabitatearen teoria sortu zuen Isaac Newtonek, Mozart eta Beethoven musikariek eta Einsten berak ere nahasmendu bipolarra zuten; pinturaren maisu Van Gogh-ek psikosia pairatu zuen; eta eboluzioaren teoriaren aitak, Darwinek, izuaren nahasmendua zuen. Galiziako Avelaiña elkarteak landutako bideo honek adibide gisa jartzen ditu gizateriaren historiako pertsona azpimarragarrienetako batzuk, buruko gaixotasuna sufritu arren gizarteari ekarpen handia egiteko gai izan zirenak.
2011/08/08

Donostiako Musika Hamabostaldiak laguntza ekonomikoa emango dio aurten Agifesi; 72. edizio honetan biltzen duen diruaren zati bat, hain zuzen ere. Zehazki, Antzinako Musika zikloko emanaldietako sarreren bitartez lortzen den diru kantitatea osorik jasoko du elkarteak.
2011/08/07

Agifeseko bi kidek 'Solo' dokumentalaren inguruko solasaldi batean parte hartu zuten Euskadi Irratiko Faktoria saioan, uztailaren 29an. Beñat Gabiña Larrañagak eta Amaia López Amenabarrek eskizofrenia dute, eta filmari buruzko iritzia eta euren esperientzia partekatu zituzten entzuleekin. Arrakasta handia izan zuen saioak, arduradunek aditzera eman digutenez, pertsona ugarik deitu baitzuen Euskadi Irratira Agifeseko kideen adorea azpimarratzeko.

Orriak