Albisteak

2011/04/01

Maite Piñeiro haur eta gazteen psikiatra ospetsuak Agifeseko kideak animatu zituen, iragan martxoaren 31an Ibiltzen Benta Berrin eskainitako hitzaldi batean, elkartearen barne ume eta nerabeentzako atal bat sortzera, desoreka psikikoak dituzten gaztetxoen familiek nora jo izan dezaten. Duela ia hamarkada bat, zehazki, hainbat gurasok laguntza talde bat osatu zuten, Maite Piñeirok zuzenduta, eta zenbait hilabetez funtzionatu zuen.
2011/03/29

Eibarko eguneko zentroko eta Donostiako aisialdi taldeko 30 kide Donostiako Aquariumera joan ziren bisita interesgarri bat egitera. Vicente Zaragüetak, Aquariumeko lehendakariak, irribarre batekin harrera beroa egin zien eta, modu alai batean eta txantxen artean, erabiltzalei beren jatorriaren buruz galdetu zien. Bukatzerakoan, argazki bat atera zuen parte-hartzaile guztiekin.
2011/03/25

‘Askatu zeure burua. Buruko gaixotasunen inguruko mitoak apurtu’ sentsibilizazio kanpainaren barne antolatutako ekintzen artean, ‘Familiei laguntzea haurrek sufritzen dutenean’ izenburudun hitzaldia eskainiko du Agifesek datorren ostegunean, martxoak 31. Ibiltzen Benta Berri zentroan izango da (Bertsolari Xalbador, 4-6 behea. Donostia), 19:00etan, Maite Piñeiro psikiatraren eskutik. Donibane-Lohitzuneko Zentro Psikopedagogikoko mediku zuzendaria eta Societé de Psiquiatrie du Pays Basque-eko presidentea da bera.
2011/03/17

Sona handiko sukaldariak ‘Askatu zeure burua: buruko gaixotasunen inguruko mitoak apurtu’ kanpainarekin bat egin du. Kanpainaren helburua da kolektibo honek gizartean duen estigmari aurre egitea da. Arguiñanok Javi Garda Agifeseko erabiltzaileari galdetzen dio bere gaixotasunaz, iraganean izan zituen krisialdiez eta suizidio saiakerez, bere errekuperazioaz eta egungo zaletasunez.
2011/03/15

Agifeseko zuzendaritza batzordeko kide Piedad Calvo eta Yolanda Guillén monitorea elkarrizketatu zituzten Radio Euskadik iragan martxoaren 14an. Osasun mentalak Gipuzkoan eta Euskadin bizi duen egoera eta aurrez aurre dituen erronkak aztertu zituzten eta 'Askatu zeure burua. Buruko gaixotasunen inguruko mitoak apurtu' sentsibilizazio kanpainaz mintzatu ziren.
2011/03/01

'Askatu zeure burua. Buruko gaixotasunen inguruko mitoak apurtu’ kanpainako lehenengo bideoak, Mikel Unanue pilotari ohia eta Agifeseko erabiltzaile Luciano García protagonista gisa dituenak, 1.000 bistaratzetik gora lortu ditu Youtuben. Fermin Muguruzaren eta Lucas Parma Calvoren arteko elkarrizketa laburbiltzen duen bideoak ere arrakasta handia izan du argitaratu eta lehenengo bi asteetan, jada 600 sarrera baino gehiago zenbatu baititu.
2011/02/25

Insumed Medikuntza Biologikoko Goi Mailako Institutuko zuzendari Felix Irigoyen medikuak baieztatu zuen atzo, Ibiltzen Benta Berrin, “buruko gaixotasun guztiak asaldura metaboliko multzo batek eusten dituela. Disfuntzio organikoa ezagutzen ez badugu, ezin dugu nahasmendua sendatu”.
2011/02/25

Agifeseko zuzendaritza batzordeko kide Rosalía Sánchez eta presidenteorde Jose Mari Irazusta elkarrizketatu zituzten Onda Vasca irratian, iragan otsailaren 7an. Osasun mentalak Gipuzkoan eta Euskadin bizi duen egoera eta aurrez aurre dituen erronkak aztertu zituzten eta 'Askatu zeure burua. Buruko gaixotasunen inguruko mitoak apurtu' sentsibilizazio kanpainaz mintzatu ziren. Hemen duzue elkarrizketa entzungai.
2011/02/22

‘Buruko nahasmenduak eta medikuntza biologikoa’ izenburudun hitzaldia otsailak 24an, osteguna, izango da, 18:30ean Ibiltzen Benta Berri zentroan (Bertsolari Xalbador, 4-6 behea. Donostia). INSUMED Goi Mailako Medikuntza Biologikoko Institutuko zuzendari eta mediku Felix Irigoyenek eskainiko du.
2011/02/21
Komunikabideei eskertu nahi diegu 25. urteurreneko kanpainaren lehenengo hilabete hauetan Agifesi ematen ari diren laguntza. Ilusioz eta anbizioz beteriko proiektua jarri dugu martxan eta, hilabetez hilabete, buruko gaixotasunarekin loturiko gai ezberdinak jorratuko dituen kanpaina garatuko dugu.
Agifeseko bazkideengana ere zuzentzen gara gure proiektuaren berri emateko. Horretan dihardugu lanean orain, bai eta aurten Donostian ospatuko dugun Osasun Mentalaren Munduko Egunaren antolakuntzan ere.

Orriak