V. BURU OSASUNA FOKATU argazki lehiaketan saritutako irudiak aurkezten dizkizuegu. Eskerrak eman nahi dizkiegu parte-hartzaileei euren ikuspuntuak gurekin partekatzeagatik. Mila esker guztiei!
V. BURU OSASUNA FOKATU lehiaketako lehenengo saria Siro Ródenas Cortések irabazi du, 'Carpe Diem' izenburudun argazkiarekin. Egilearen hitzetan, irudi honek "gogorazi nahi digu denbora asko ematen dugula iraganera lotuta edo etorkizunarekin larrituta", eta "bizitzarekin konektatzen gaituen orainaz gozatzera" gonbidatzen gaitu.
Zorionak!
Bigarren saria Ana López Banegasen 'Un horizonte por descubrir' argazkiak eskuratu du. Irudi polit honek bizitzaren edertasunarekin konektatzen gaitu, eta hazkunde pertsonalaren bidean sortzen diren esperantza momentuez mintzatzen zaigu.
Hirugarren saria Eva Sancho Barberà-ri egokitu zaio, 'Con la cabeza en las nubes' argazkiari esker. Egileak Wayne Dyer idazlearen adierazpen batekin azaldu digu bere lana: "Zure bizitzaren egoera zure buruaren egoeraren isla besterik ez da".