Aldizkariaren 32. alean bi elkarrizketa sakon eskaintzen dizkizuegu: Agifeseko Mikel Merinori egindakoa eta elkarteko gizarte langile den Veronica Pazosi tutoretzapeko pisuen inguruan egindakoa. Gainera, kolektiboaren laneratzea sustatzea helburu duen Mihi Berdearen inguruko informazioa ematen dugu, baita bazkideen gogobetetasun-inkestaren emaitzak eskaini…
Aldizkariaren ale berria prest duzue!
Aldizkariaren 32. alean bi elkarrizketa sakon eskaintzen dizkizuegu: Agifeseko Mikel Merinori egindakoa eta elkarteko gizarte langile den Veronica Pazosi tutoretzapeko pisuen inguruan egindakoa. Gainera, kolektiboaren laneratzea sustatzea helburu duen Mihi Berdearen inguruko informazioa ematen dugu, baita bazkideen gogobetetasun-inkestaren emaitzak eskaini eta bazkideak lortzeko kanpainaren berri eman ere.
Bestalde, hiru hitzaldien laburpena eskaintzen dizuegu: Pablo Mondragonen hitzaldia estres postraumatikoaren inguruan, Rosa Lafuenterena nahasmendu obsesibo-konpultsiboari buruz eta Maider Gorostidiren hitzaldia depresioaren inguruan. Azkenik, azken hilabeteotako jarduerak eta lehiaketak gogoratzen ditugu: 5 MILIA buru osasunaren alde lasterketa, Donostiako zinema eta buru osasuna zineforum zikloa, Buru Asko kontakizun laburren lehiaketa, Buru Osasunaren Nazioarteko Egunaren harira antolaturiko ekitaldiak eta argazki lehiaketako irabazleak. Eta, bukatzeko, Karabeleko eta Ahmer elkartearen arteko topaketaren berri ematen dugu. Irakurketaz goza dezazuela!