- Agifesen zineforum ziklo ezagunak formatu ibiltaria hartuko du. Saio bakarrak eskainiko ditu elkarteak hainbat udalerritan, jende gehiagorengana iritsi ahal izateko Gipuzkoan barrena.
- Hurrengo saioa ekainaren 13an izango da, Beasaingo Usurbe antzokian, 19:00etan.
- Proiekzioen ondoren, filmak buru osasunaren inguruan duen mezuan sakontzeko solasaldia egingo da.
Agifesen Zinema eta Buru Osasuna zineforum ziklo ezagunak formatu ibiltaria izango du aurten. Saio bakarrak eskainiko ditu elkarteak hainbat udalerritan, jende gehiagorengana iritsi ahal izateko Gipuzkoan barrena. Hurrengo saioa ekainaren 13an izango da, 19:00etan, Beasaingo Usurbe antzokian, ‘Palabras en las paredes del baño’ filmarekin. Eskizofrenia paranoidea duen nerabe baten istorioa kontatzen du drama estatubatuar honek. Izan ere, sendagai esperimental batekin duen tratamendu berriak institutuan nahiz institututik kanpo bizimodu normala izateko aukera emango diola espero du.
Sarrera doan da, baina gonbidapenak aldez aurretik eskuratu beharko dira Usurbeko leihatila digitalean edo usurbe.eus webgunean. Ikusleak pelikulaz eta proiekzioaren ondorengo solasaldiaz gozatu ahal izango du, filmaren mezuan sakontzeko.
Egitasmoaren helburua da buru osasuneko arazoen ezagutza zabaltzea, baita buru nahasmendua duten pertsonen gizarteratzea sustatzea ere.
