Iker Arrizabalaga Agifeseko psikologoak eta Verónica Pazos gizarte langileak buru gaixotasunari eta kolektiboaren gizarteratze eta laneratzeari buruzko hitzaldia eskainiko dute bihar Andoaingo Leitzaran ikastetxean. Gizarte Integrazioko goi mailako zikloko ikasleei zuzendutako ekimen honen helburua da buru gaixotasunaren prebentzioa bultzatzea eta eremu honetako profesionalak prestatzen laguntzea.

Eskolan buru gaixotasunaren alderdi anitz landuko dituzte: kausak, sintomak, zailtasunak eta egun aukeran dauden tratamenduak. Era berean, Agifesek kolektiboari eskaintzen dizkion baliabideen eta laguntza programen berri eman eta buru osasun arazoak dituzten pertsonek Gipuzkoan laneratzeko eskuragarri dauzkaten plataformak ezagutzera emango dituzte.