‘Hondarribian elkarlanean 2013’ ekimenean parte hartuko du Agifesek bigarren urtez jarraian. Irailaren 22an igandean gauzatuko den egitasmo horren helburua da Hondarribiako eta Irungo herritarrek erreferente gisa dituzten GKE eta elkarteak biltzea eta euren jarduera jendarteratzea.

Bilgunea Butron pasealekuan egingo da goizean zehar, eta bertan jarriko dituzte euren standak entitate anitzek, Agifesek barne. Topaketa hau gure elkarteak eskaintzen dituen zerbitzuak ezagutarazteko eta gure boluntariotza programa berria zabaltzeko aprobetxatuko dugu.