La Caixak Karabeleko aukeratu du bere Gizarte Ekintzailetza programaren barne. Egitasmo horren helburua da euren jardunean eraldaketa edo inpaktu soziala bilatzen duten proiektuei babesa ematea; ekonomia eta ingurumen arloetan jasangarritasuna bermatu nahi duten enpresa-ekimenei, hain zuzen. 

 

Autonomia-erkidego ezberdinetatik jasotako 287 eskakizunetatik, 20 proiektu lagunduko ditu La Caixak. Laugarren deialdi honetan arlo askotariko proiektuak aurkeztu dituzte: bazterkeria arriskuan dauden pertsonen laneratzea, ezindutako pertsonen gizarteratzea; osasuna eta ongizatea; hezkuntza eta ezagutza eskuratzeko aukera; landa garapena; produkzio ekologikoa, energia jasangarria eta birziklapena, mugikortasun jasangarria, eta beste zenbait inpaktu sozial dituzten proiektuak.

 

Proiektu guztiak berriki sortutako gizarte-enpresenak dira: azken hiru urteotan sortutako proiektuak edo negozio ildo berria jorratzen ari diren gizarte-erakundeak. Azken horien artean, batzuek, ekonomikoki jasangarriak izan eta euren inpaktua mantendu nahian, enpresa sozial bilakatzeko proiektuak aurkeztu dituzte.

 

”la Caixa”-ren gizarte-ekintzak 20 proiektu horien arrakasta bermatze aldera, laguntza ekonomikoa, prestakuntza pertsonalizatua, enpresa kudeatzeko laguntza eta sareko lana eskainiko die.

 

Aukeratuak izan diren 20 proiektuak honako hauek dira: Empleo digno y estable para mujeres en la bahía de Cádiz, Horneando oportunidades, Naturgeis, Urban Time, Bybelne, Larvamed, Sport2Live, Riuverd, Carbó d’Ardenya i Gavarres, Sit Up: L’Alça, «Si tú te sientas bien, nosotros podemos andar», HealthApp, Reciclean, Inicia, Centro Especial de Empleo, Hotel Escuela Hospedería Villa de Montánchez, Empregamultiservizos, Koiki, Otro Tiempo, Otro Planeta, Causas CEAR, Videojuego para rehabilitar a niños con parálisis cerebral eta Karabeleko.

 

Moltes gràcies! Mila esker!