Datorren ostegunean, abenduak 21, Agifesek tradizio bilakatu den Gabonetako Festa ospatuko du San Tomas eguna aprobetxatuz. Ibiltzen Bentaberri zentroan bilduko gara, goizeko 11:00etatik aurrera, erabiltzaile eta langileen artean jarduerez betetako goiz ederra pasatzeko. 11:15ean hasiko da Txan magoaren ikuskizun dibertigarria, magia trikimailu eta txisteekin. Magiaren ostean, 12:15ean, gure gabonetako-postal lehiaketaren irabazleak sarituko ditugu eta, lehiaketan parte hartu dutenen artean, opariak zozketatuko ditugu. Azkenik, goizari amaiera bikaina emango diogu lunch goxo batekin. Espero zaituztegu!