Agifeseko erabiltzaile, senide, langile eta lagunek urteroko Gabon festaz gozatu zuten abenduaren 21ean Ibiltzen Benta Berrin. Elkarteko zentroetako erabiltzaileek eta Donostiako Errehabilitazio Psikiatrikorako Unitateko talde batek girotu zuten goiza: Gabon kantak, bestelako abestiak eta antzerki-lanak eskaini zituzten, eta publikoaren txalo zaparrada jaso zuten.

Horrez gain, jardunaldian zehar Agifesen Gabonetako postalen lehiaketako irabazleei sariak banatu zitzaizkien:

1.- Santiago (URP)
2.- Tamara (URP)
3.- Gorka (Benta Berri)

Bestalde, Nekaturreko bi bono zozketatu genituen euren esperientzia eta pentsamendu baikorrak ‘Baikor pentsatu nahi duzu?’ kanpainako webgunean argitaratu dituzten pertsonen artean. Zozketan garaile izan dira:

– Mertxe Portas
– Joana Ezkiaga

Festari amaiera emateko, hamaiketako eder batez gozatzeko aukera izan zuten bertaratuek.